寻找幸福

星期五晚，蓝疲累不堪仍不愿归家，推开酒吧门，在吧枱前坐下，点了一杯stellaartois，低下头无聊地找寻小食碗中青豆??
酒吧老闆是相识廿多年死党豪，前来与蓝打招呼??
豪（热情拍膊头）：「蓝！嚟左啊！好耐唔见你落嚟嘅？好忙呀？」
蓝（落莫）：「係呀！呢期超忙啊！啱啱飞完纽约，返左黎几日……」
豪（眉毛一扬）：「做咩啊？做嘢唔顺利呀？」
蓝（茫然）：「唔係呀！啱啱接咗两单大野，预计忙到出年年尾添??」
豪（蛊惑神情）：「哦！见你咁头痕，唔係钱银，就係女人啦！」
蓝（皱眉头）：「唉??依铺真係好烦！」
豪（蛊惑）：「啊！收到风，雪返咗嚟喎??咁掂啦！你地係番埋一齐咪得啰！」
蓝（忟憎）：「痴线！佢当我公厠呀？话来就来，话走就走？」
豪眨着眼儍笑：「咦！乜好多人排队去厕所咩？係咪识咗新朋友啊？
劲喎！收田无人耕，耕开有人争???哈哈哈！」
蓝瞪豪一眼警吿他立刻收声。
豪（收敛笑容）：「係啦！咁你谂住点搞先？老老实实，同你咁多年兄弟，一句到尾：不要伤害真心爱自己果个??」
蓝深深叹了一口气，拿起杯stella一饮而尽，蓝把最后一口啤酒留在口腔里荡漾，彷彿要记住这一种苦涩味，正好与自己心情一样，啤酒泡沫刚黏在嘴唇时，蓝向酒保用手比划示意再来一杯。
凌晨，蓝离开酒吧，在街上漫无目的流离浪荡，不知不觉溜到青家楼下，蓝挨着电灯柱，抬头观看零星灯火，心里想着青，想致电给她但又不敢，望一下whatsapp状态，青刚巧在线，犹豫不决之际，低层一个单位露台门开了，青端着一杯绿茶在露台乘凉??
青呷了一口后，叹了口气，想起与蓝的一切，托着头回看那天行山相片，百般滋味在心头……忽然，蓝深宵来电，青呆一呆，觉得自己这个状态，应该接听吗？
终于，电话在快要挂掉前接通了??
青（温柔）：「喂？??」
蓝半醉（沙哑）：「青，仲未瞓呀？??」
青（疑惑）：「蓝，差唔多瞓喇！你咁夜搵我有咩事？」
蓝（吸一口气）：「冇咩特别啊！?只係想听下你把声?」
青（面红）：「嗯??你唔好讲笑啦！」
蓝（再吸一口气）：「我唔係讲笑嫁！我仲好想见你????」
蓝垂下头一边讲电话，一边幼稚地踏水凼，差些被一辆的士撞到，幸好司机剎车及时，刺耳的煞车声划破寂静的街道??一瞬间，青从电话和另一只耳朵，都同步听到煞车声，觉得很奇怪，从露台四处观看，竟然发觉蓝在楼下街头，内心非常悸动??
青倒抽一口气（不知所措）：「你快啲返屋企啦！唔好要雪担心你！」
蓝（醒觉）：「点解你无端端提起雪？你见过佢咩？」
青（不好意思）：「无啊，我哋只是通过电话??」
蓝（惊奇）：「吓？点解佢会有你电话架？佢同你讲乜嘢啊？」
青尴尬地沉默起来，蓝非常熟悉雪的性格，很快便组织了头绪??
蓝（借醉壮胆）：「係呢?下个月初，好似你生日，唔知嗰日见唔见到你呢？」
青（微笑）：「唔知啊！未出roaster，唔知嗰日番边更呢？」
蓝（半认真）：「如果可以早d见到你就好啦??」
青（笑得更甜）：「你头先一早见到我啦！」
蓝赫然发觉行踪暴露，尴尴尬尬地掩面大笑，向着露台挥手，向青挥手示意，青含蓄地甜笑挥手回应。
蓝青隔空对望，大家虽然伸手触不到，但内心深处的化学反应，似乎慢慢地酝酿??